Гоолиногоо гэж..

Фэйсбүүк дээр янз бүрийн сонирхолтой юм үлдээдэг ГООЛИНГООгийнхондоо баярлалаа.
энэ аягуу таалагдав. нээрээ яагаад гэдгээ мэдэхгүй л инээж, бас тэврэхийн төдийд зөөлөн уярах эмэгтэй хүн шүү....

Тийм ээ, би бол бүсгүй хүн. Би “ТАТ” гэсэн бичигтэй хаалгыг уншсаар байж түлхдэг. Би яагаад инээгээд байгаагаа тайлбарлах гэж байхдаа ч өөрөө чангаар инээсээр байдаг.
Би аль нэг өрөө рүү явж орчихоод, гэнэт яагаад тийшээ орсноо мартаж орхидог. Би тоо бодохдоо хааяа хуруугаа оролцуулдаг.
Би хайртай хүмүүсээсээ өөрийнхөө өвдөлтийг нуудаг. Тийм ч урт түүх биш байсан ч би ”ярьвал урт түүх болно оо” гэж булзааруулдаг. Би чиний бодож байгаагаас ч илүү их уйлдаг. Надад санаа тавьдаггүй хүмүүст ч гэсэн би санаа тавих дуртай.
Шарах шүүгээний дохио дуугарахаас өмнө би олон юм амжуулахыг хичээдэг. Чи намайг сонсохгүй байсан ч, би чамайг сонсдог. Намайг ердөө л тэврэхэд би эмчлэгдэхээр...
Би тийм л зөөлхөн, гэнэн хонгор эмэгтэй хүн.

Эрээ хураагүй...

Аягуу сониоон хүн гэж..
Нэгэнтээ та бас ингэж бодож үзсэн л байх. Юм гэж их сонин байхын.
Өнөөдөр хэцүү санагдсан юм хэдэн өдрийн дараа ч амархан санагдах үе байна. Хэцүүдээ гээд эхлэхгүй юмыг зориглоод эхлэхлээр аягуу амархан болоод хийгдэх өдөр ч байхын.
Хорвоогийн сонинг гайхаад барахгүй нь ээ. тэнгэр хүртэл сонин.
Өглөө нь нар шарж байснаа, өдөр нь үүл хуралдаж бороо орно. гэртээ байхад хүйтэн санагдаад гараад ирэхээр шатам халуун байх юм. Хэзээ ч уулзахгүй, хэзээ ч таарахгүй юм шиг хэрэлдэж байсан хүмүүс сайн найзууд болоод хөтлөлцөн явах өдөр ч байхы, тэгснээ бүр хэзээ ч хагацашгүй юм шиг байснаа бүр дайсан шиг болсон хүмүүс ч байхын, өө бүр аягуу шударга юм шиг харагдсанаа дэндүү хуурамч хүн ч байхын, хүний чин сэтгэлийг ялгах үнэхээр хэцүү. хэрвээ амархансан бол сайхнаа... би лав хорт могойноос лав өөрийгөө хол байлгаж чадахсан. ккк

Гэхдээ бас хорт могойнд нэг удаа хоёр удаа хатгуулах зүгээрийнмаа, өнгийг нь мэдээд дахин ямар ч хорт могойг сайн таних чадвартай болохын ккк

эрээ хураагүй энэ амьдралын сонин дуусахгүй нь ээ дуусахгүй нь

Алдаа бас дахин алдаа

ээ дээ, ер нь ч нэг алдаа гаргахгүй амьдрах юмсан гэв чиг болохгүййннннн..... хммм

нэг дэх долоо хоног, яая даа байз
хоёр дахь долоо хоног, за яахав чи чаднаа
гурав дахь долоо хоног, би чаджийна
дөрөв дэх долоо хоног, чадаал байгаа
тав дахь долоо хоног, чадсан шүү
зургаа дахь долоо хоног, амьдрал минь нэг л жаргалтай..... кккк

Хамгийн цэвэрхэн хот Улаанбаатар

Сонгууль болох гэж байгааг манай блог уншигчид мэдэх л байлгүй... хэхэ

Хот нэг л өөр өнгөтэй байгааг харж байна уу.. Аая хаа сайгүй дуу эгшиглээд л нэг л их жаргалтай хот шиг.Гадуур цэцэг ногоо тариал, цэцэрлэгүүдийг цэвэрлэж, суудаг сандалыг нь солиод л, түүгээр ч барахгүй байрны урд байдаг тоглоомууд нэмэгдээл.....
Нэг л цэвэрхэн бас нэг л тохитой.
Өө бүүр гар утас хүртэл аягуу гоё. Утасдаад л таны санал юу байна, би тэндэхийн нэр дэвшигч байнаа ч гэх шиг.. энгийн үедээ бас ингэж асуудаг ч байсан болоосой.
Жил бүр сонгууль болдог ч болоосой гэж бодох юм.

Тэгвэл ч хамгийн үзэсгэлэнтэй хот Улаанбаатар байна байхаа.. кк

Блоггүй байнаа гэдэг хэцүү...

Men in light блоггүй байна гэдэг ёстой хэцүү юм байна. Юм бичнээ, нэмнээ

Таны хайр шинэ өглөө шиг

Таны хайр шинэ өглөө шиг
Шинэ өглөө шиг...

Сайн ээж

Би сайн ээж байхыг хүсдэг юм. Сайн ээж байна гэдэг эхэлсэн хэрнээ үр дүн нь хожим мэдэгдэх нэг ажил ч юм шиг. Хүүхдүүд өсөн томрох цагт л магадгүй би өөрийгөө хэр зэрэг ээж байж вэ гэдгийг харах толь нь миний хүүхдүүд байж таарах нь.
Би хоёр хүүхэдтэй болохыг хүсдэг. Магадгүй гурав ч юм уу..
Гэхдээ, хэд байх нь хамаагүй ээ. гол нь сайн ээж байх л хэрэгтэй. Их эзэнээс эмээгч хүүхдүүд, бас зөвийн замд баярлан муугаас зайлагч хүүхдүүд, дуулгавартай, магтагч хүүхдүүдийг л бий болгох нь миний дээдийн дээд мөрөөдөл..


Жижигхээн, аяаандаа болдог юм, гэхдээ би аяаандаа болдог гэж хөсөр хаян өөрийн чухал салбартаа тоомжиргүй хандахыг хүсдэггүй.
Би найз залуутай. сууна, гэрлэнэ гэж төлөвлөх ч заримдаа боломгүй таарамгүй юм гарвал заавал хүчлээд байх шаардлагагүй гэдгийг ойлгодог. Энэ амьдрал чинь хүчилснээр болчихдог юм биш шүү дээ. Гол суурь нь сэтгэл хайр байжийж явдаг зүйл.

Санаа зовоох асуудал олончиг эдгээр мөрөөдөл минь намайг хүчтэйгээс хүчтэй, бүхнийг хийхэд хөтөлсөөр байх юм. Сураад бай, суралцаад бай Нараа, мөрөөдөл чамд төгс сайнаар ирнэ.

Сайн эхнэр

Уаа--
энд бичих юм их гарах байхаа. учир нь би эхнэр биш юм чинь.. Төсөөлөлд янз бүрийн юм орших учраас бичих юм нь бүр ч их байна байх. Би сайн эхнэр байхсан гэж мөрөөддөг.
Эхнэр байхад өөрийгөө бэлддэг ч гэж хэлж болно. Библиэс харвал эхнэрийн талаарх олон жишээ байгаа. Гэхдээ би эхнэр эхнэртээ Рут шиг, Эстэр шиг, Саараа шиг эхнэр байхыг хүсдэг.

Дуулгавартай, Их Эзэнээс эмээгч эхнэр байхыг илүүд үздэг. Анхнаасаа зуршил болоогүй юмыг өөртөө бий болгоно гэдэг хэцүү л байна байх лдаа. Тиймээс гэрлэхээсээ өмнө өөртөө Их эзэний үгнээс эмээгч, түүнийг дагагч болгож төлөвшүүлэх тал дээр ихэд анхаардаг. Сайн эхнэр байх нь гэр бүлийн амар тайвантай их холбоотой учраас үүнийг мөрөөдөн байж залбиран гуйдаг.
Сайн эхнэрт байх сайхан шинжүүдийг өөртөө тээсэн эмэгтэй байхсан..

Сайн найз

найзтай байх, хэн нэгний найз байх үнэхээр сайхан..
Тэр дундаа над мэтийн онцлогтой хүнд найз нөхөд гэдэг чухал байрыг эзэлнээ.
Гэхдээ хэн нэгний найз байх аймаааар хэцүү. Мэдэхүү.. Амьдрал тусдаа, үзэл бодол өөр, миний ярьсныг, миний үйлдсэнийг найзын нүдээр харж ойлгож засах хүнээс илүү хаяад явдаг нь олон болохоор найзтай байх заримдаа надад төвөгтэй санагдах гээд байдаг ч үе бий.

Гэхдээ, цөөхөн хэдэн үнэнч дотно найзтай байна гэдэг бол дэндүү дэндүү сайхан. Би бусдаас, бусад найз нараасаа шаарддаг шаардлагаа одоо өөртөө тавьж сурч байгаа.
Найз байх хэцүү. Энэ бас миний нэг мөрөөдөл. Сайн найз байх юм саан...

Сайн эгч

Заа, дүүтэй байж эгч, ахынхаа зовлонг би мэдэрдэг.. хаха

Заримдаа би дүүгээ балбамаар санагдах үе байдаг, өө бүр заримдаа бүр эсрэгээр хайр хүрсэндээ тэвэрч аваад үнсмээр үе ч байнаа. Ялангуяа эсрэг хүйсний дүүтэй байх. Өөө хэцүү хэцүү.
Эрэгтэй дүү маань миний ах шиг, найз шиг, заримдаа бүр дайсан шиг болдог үе бий.

ах шиг үедээ байн байн утасдаад л хаана явна, гэртээ ир, тосъё, хэн хүргэж өгөхүү, хүргэж өгөх хүнийхээ нэрийг хэл гэх мэтчилэн. За тэгээд гэртээ ирмэгц шөнө байнаа юм идмээргүй байна, маргааш идий гэвэл үгүй яг одоо ид, яаж өлсөж унтдаг юм гээд амруу чихих шахна. энэ миний ах болсон эрэгтэй дүү шүү дээ.

харин найз шиг үедээ хамт алхая, кинодий, хоолонд орий гээл эхэлнэ. Бид ер нь ойр ойрхон хоюулахнаа цаг өнгөрөөдөг. Эгч дүүгийн өдөр хийдэг гэхүү дээ. Зураг авхуулна, дэмий гадуур явна гээд. Бас элдвийг ярилцана. За голдуу над дээр төвлөрч их юм ярина шүү дээ.

Дайсан шиг үедээ юу ч хэлсэн үг сонсохгүй, юу ч хий гэсэн зөрдөг үеийг нь би хэлдэг юм. Намайг бүр байж яадуулдаг үе деед минь байдаг. олоон жилийн зайтай байж.... гээд л миний хувийн амбиц, дүүгийн эгч шүү би гэдгээ мэдрэх үе байдаг. Тэр үедээ бүр аягуу сонирхолтой юм их болноо. За энэ бол гэр бүлийн нууц кк

ямар ч байсан энэ цагуудаас би дүү миний найз шиг энэ цагт би аягуу дуртай. Хоюулахнаа дотночлон өнгөрөөдөг цаг учраас дотно бүхнээ ярилцах боломж ч олддог. ийм үедээ хэн нь ч хэндээ заахгүй, тушаахгүй, эсэргүүцэхгүй.. Зүгээр л аймар лаг эгч дүү найзууд болцгоодог.
хийх үйлдэл бүрээс минь эмэгтэй хүний талаар сурч, миний байж байгаагаас эмэгтэй хүнийг дүгнэж, бас амьдралтай танилцаж байдаг болохоор хариуцлага надад байнга өдөр бүр, цаг ямагт байгааг би ухаардаг. Тэр бүр амжилт олохгүй үе байнаа. Юу ч сайхнаар хийх гэж хичээгээд дүү дагаж сурахгүй үе байна. тэгсэн хэрнээ амны алдаагаар нэг муу үг хэлсэн бол яг дуурайх үе ч байдаг.
Дүүг хүмүүжүүлнэ гэдэг бол асар их тэвчээр юм билээ. Дүүдээ үлгэр жишээ эгч байна гэдэг бол миний бас нэгэн мөрөөдөл...

Сайн дүү

Би  өөрийгөө сайн дүү гэж боддоггүй ээ. Гэхдээ бас муу чиг дүү биш байх гэж бодном...

эгч бид хоёр олоон биш насны зөрөөтэй. Гэсэн ч би нэг удаа чи гэж дуудаж үзээгүй ээ. Анай гэж хүндэтгэн авгайлж дуудах нь надад их сайхан санагддаг. Эгч одоо хоёр ч хүүхдийн ээж, гэр бүлийн эзэгтэй. Хийж байгаа, ярьж байгаагаас нь эмэгтэй хүний зарим нэг үйлдлийг сурч, зарим нэг алдааг ч хардаг.

Бас би ахтай хүн. Би төрсөн ахгүй лдээ. Гэхдээ охидууд бүр л ахтай байхсан гэж хүсдэг шүү дээ. Бага байхдаа ахтай охидуудад аймар атаархдаг байлаа. Томроод больчихсон байсан юм. харин эгчтэй минь гэрлэж, манай босгыг алхсан хүн миний ах болноо гэдгийг анайгийн хайртай хүн манай гэрт ирэх цагт би мэдсэн юм. Би үнэхээр ахтай байж үзээгүй учраас ахтайгаа яаж харьцахыг ч мэдэхгүй. гэхдээ л би харахаар хайр хүрэм ахтай хүн шүү.
Ер нь сайн дүү байна гэдэг аймар хэцүүг та нар мэдэхүү. Надад бол нэг л хэцүү байдаг. Өөрийнхөөрөө юмыг хиймээр байдаг, тэд болохгүй гэнэ. Үгэнд нь ормоор байдаг, минийхтэй зөрөөд байдаг. тэгснээ надаас түрүүлээд амьдрал үзчихсэн болохоор тэдний амьдралын туршлагаар ч би замнах хэрэгтэй болно. Үүнийг нэг нэгнийхээ амьдралд орно гэдэг дээ.
Гэхдээ л нэг үнэн, ах болон эгч миний л төлөө байдаг. эцсийн үр дүн нь миний төлөө шүү дээ.

Сайн дүү байна гэдэг баланстай байхаас эхлээд олон юмыг ярьж болно. нас биед хүрсэн хойноо дүү байх нь нэг бодлын бас гоё. Нээх том бүсгүйчүүд, чацуу юм шиг харагдах хэрнээ анай гээл дуудангуут хүмүүс эргэж харах мэтчилэн... хэхэ эгч ахтай байх сайхан шүү.

Сайн охин

Би айлын дунд охин. Хүмүүс айлын дунд гэхлээр л аягуу шоовдор байдаг гэж ярьдаг. Энэ яриа нь аягуу хүчтэй намайг эзэмддэг байлаа. Шоовдор биш хэрнээ би шоовдор юм шиг өөрийгөө өөрөө шоовдорлон их удаан амьдарсаан. Гэхдээ нэгэн цагт би ойлгосон юм. Би гэр бүлийнхээ хайрлагдсан охин..
Би бага байхаасаа л аав ээжийнхээ гарт тоглож наадаж дураараа өссөн. Намайг бага байхад ч тийм л байсан одоо ч тийм.. Би одоо тавийн талыг насалж байгаа залуу хүн. Бас нас биед хүрсэн хүн. Тэгсэн ч аягуу инээдтэй нь би одоо хэрний аав ээждээ аймар эрхэлдэг. Аав гадагшаа гарах гэж байвал гүйж очиж үнсүүлээд л, аавыг ирэхээр нь бас үнсүүлнэ, хамт унтана гээд хязгааргүй эрх хүн би. Өглөө бүр ажилдаа гарахынхаа өмнө ээжтэйгээ цай ууж халуун дулаан яриа өрнүүлнэ. Та энэ жаргалыг мэдэхүү?
Хичнээн сайхан гээч.. Хүмүүс хорь гараад ирэхээрээ ээж ааваасаа тусдаа гарахын түүс болдог. Би ч удалгүй тусдаа гарна. Хайртай хүнтэйгээ гэрлэж, түүний гэрт би очино.
энийгээ бодохлээр бүр илүү сайн охин баймаар санагддаг. Би өөрийн итгэдэг Их Эзэндээ хорь гаран нас хүртлээ ээж аавынхаа дэргэд амьдрах энэ амьдралыг надад зөвшөөрсөнд нь би их эзэнд үнэхээр талархдаг. Бусад хүмүүсийн амьдралыг харвал бүгд л 18 19 зарим нь тэрнээс ч эрт үр хүүхэд нөхөр гээд явсан байдаг. Зарим нь харамсалтайгаар ээж ааваасаа хагацсан байдаг. Харин миний хувьд үглүүлэхдээ үглүүлээд, хөгжилдөхдөө хөгжилдөөд хамгийн гоё нь аав ээжийнхээ дэргэд, ээжийнхээ цай хоолыг идээд байх жаргал санагддаг.
Библи дээр ээж аавыгаа өтлөх насанд нь ачилла. тэгвэл чи ерөөгдөж урт насална гэдэг. Би хурим хийхдээ аавынхаа ерөөлийн авмаар байна. Аав ээжийнхээ ерөөлийг нь авч ерөөгдсөн охин баймаар байгаа. тэдний дээр байдаг мэргэн ухаан, сайн сайхан бүхэн тосолгоо болон над дээр ирэхийг би хүсдэг.

Ээж аавыгаа ачилласан сайн охин байна гэдэг чинь өнөөдөр юу хийж байгаагаараа л тэднийгээ ачилж байдаг юм байна лээ. Аав ээж бөөн баяр болдог юм чинь...

Би лав сайн охин. ээж аавын хайртай охин.

Мөрөөдөл минь

Би бодохдоо хүн мөрөөдөлтэй байх ёстой л гэж боддог.. Агуу мөрөөдөл, том мөрөөдөл, их мөрөөдөл, хүчтэй мөрөөдөл байх албагүй. Зүгээр л мөрөөдөх хэрэгтэй. Бусдад өчүүхэн санагдах ч хамаагүй зүрхний чинь гүнд чамайг хөдөлгөн байдаг, байж ядуулдаг нэг  /ядаж нэг / мөрөөдөл байх л ёстой. Тэр үед хүн амьд байж чаддаг юм шиг байна лээ. Зорилго чинь мөрөөдлөөс шал өөр шүү. Зарим хүмүүс баахан жагсаалт гаргасан байдаг. Заримдаа би боддогоо. Мөрөөдөлдөө захирагдаж амьдрах нь зорилгыг бий болгоод байна уу даа гэж.

Би галзуу мөрөөдөгч. Миний мөрөөдөл тийм ч том бишээ. Хүн харвал хэхэ цагийн аясаар болох л юм байна шдээ. Наадхы чинь мөрөөдөл гэхгүй ээ, чи нэг өөр мөрөөдөл олдоо ч гэж хэлж магадгүй.
Гэсэн ч би энэ мөрөөдөлдөө аягуу үнэнч. Би багадаа л боддог байсан, одоо ч боддог. энэ мөрөөдөл насан туршид минь намайг дагуулан явна гэж би итгэдэг.
Миний тэр жижигхэн, хэн ч тоодоггүй мөрөөдөл бол би сайн охин, дүү, эгч, найз, эхнэр, ээж.....

Энэ бүгдийг нэг нэг бүлэг болгон бичье.

Шинэ өглөө

Ойрын хэдэн өглөө өнөөдрийнх шиг сайхан эхэлсэнгүй ээ. Өнөөдөр аягуу сайхан өглөө байлаа.
Миний аманд магтаалын дуу тасралтгүй, ар араасаа урсан байсан нь надад баяр хөөрийг өгч байсан нь мэдээж. түүнээс гол нь нэг чухал юмыг би мэдэрч ойлгосон юм. та бүхэн баганы хажууд байгаа дууны үгийг харвал энэ дуу ямар холбоотой дуу юм болоо гэж бодож болох юм. Юутай ч дууны үгийг орчуулан англи монголтой нь хамт эндээ шэйр хийе. Хэн нэгэнд ямар нэгэн хүч өгөх болоосой.

                                                          Where You Go I Go      Таны явах замд би явна

where you go I go  Таны явах газар би явна
what you say I say, God  Таны юу хэлэхийг би даган хэлнэ
where you pray I pray Та хаана залбирна би тэнд хэмт байна

Jesus only did  Таны хий гэснийг
what he saw you do Есүс зөвхөн түүнийг л хийсэн
he would only say Таны юу хэлснийг
what he heard you speak Тэр зөвхөн түүнийг л сонссон
he would only move Таны захиасын дагуу л
when he felt you lead Тэр бүхнээ хийпдэг байсан
following your heart Таны зүрх сэтгэлийг дагаад
following your spirit Таны Ариун Сүнсийг дагаад



you are always good Та бол үүрдийн үүрд сайн нь


woah, yeah..

Хүүхэд ээ гэж..

Их сургуулийн төгсөлтийн баяр дээрээс...

Анх кэт, пүүз, жийнс өмссөн нүүрээ ч нэг их будсан юмгүй, харваас арван жилийн ширээнээс дөнгөж салсан хүүхдүүд учирч байсан юм аа бид. Бид гэдэг нь манай ангийнхан шүү дээ.

Дөрвөн жилийн дараа...
Зарим маань хоёр хүүхдийн ээж болж, зарим нь тогойн чинээ гэж ярьдагдаа гэдэстэй болж. Зарим нь яг одоо төрөх эмнэлэг явж байна гэж залгах юм. Яг үнэнээ хэлье, анх бидний хэн нь ч ээж болчихоор царайтай харагдаагүй ээ. Энэ яаж ээж болох вээ, би яаж болдын гэж ярьцгааж наадаж байтал одоо тэр яриа ч мартагдаж хэзээний ээжүүд, аавууд болжээ. Хүүхэд гэж сонин байгаа шүү. Шинэхэн ээжүүд маань чигтэйхэн намбатай. кк өө бас болоогүй, аягуу ухаан суусан гэхүү эсвэл төлөвшсөн гэхүү.. Зааа, ямартай ч юмны наад цаадыг ойлгохтойгоо болцгоосон санагдсан. Лавдаг хэрсүүд өөрийгөө тооцдог надаас хавьгүй илүү шүү.

Ингээд бодохлээр хүүхэд гэдэг нь биднийг давхар хүмүүжүүлж байдаг юм байна даа..
Ангийнхаа бүхий л охидуудад хамгийн сайхныг хүсч, та нарыг минь ирээдүй гэрэлтэй байгаасай. сайн ээж, халамжит хань болоорой миний найзууд..

Яг одоо яамаар байна вэ гэвэл....

Хэн ч мэдэхгүй нэгэн хотын
Хэн ч мэдэхгүй нэгэн арал дээр
Хэний ч танихгүй тэр л өнгөөр
Хамаг чангаар орилон би дуулахсан

Огт танихгүй нэгэн газар
Огтоос мэдэхгүй өндөр ууланд
Орь ганцаар өгсөн гараад
Онгоц мэт нүүрэглэн нисэхсэн

Юу ч байхгүй хоосон хөндийд
Зүгээ ч оломгүй тал газар
Юунд ч хязгаарлагдалгүй орь ганцаар
Зүгээр л дураар бүжихсэн

Төгсгөл нь үл харагдах далайн
Төөрсөн нэгэн загас болоод
Түмний уурганаас хол
Тэнүүчлэн сэлж, тэнэн наадахсан

 Ямар байх бол..
 Гоё байх боловуу..
Ямар байх бол..
Сайхан байх болов уу..

Ганцаардал гэгч миний сайн найз..

Ганцаардлаа би чамд хайртай.. Надаас яв гэж би чамд дахин хэлэхгүй. Ганцаардал минь чам шиг сайн найз байдаггүй учраас Ганцаардал минь чамдаа би хайртай болжээ.

Хэрвээ чи байгаагүйсэн бол, хэн үнэнч найз минь вэ гэдгийг би олж мэдэхгүй байх байсан, хэрвээ чи байгаагүйсэн бол өөрийнхөө алдаа оноог олж харахгүй байсан, хэрвээ чи байгаагүйсэн бол хорвоо хуурамч гэдгийг ойлгохгүй байх байсан, хэрвээ чи байгаагүйсэн бол хаягдах, хоцрох, явуулахыг би сурахгүй байсан, хэрвээ чи байдаггүйсэн бол тэвчээрт найз нь суралцахгүй байсан...

Ганцаардал минь би чамд хайртай. Бүр дурлам хайртай.
Ганцаардал чамтай хамт байхдаа би хүссэн бүхнээ хийж чаддаг нэг л ертөнц нь чи. Чамтай байхад хүссэнээрээ уйлж, хүссэнээрээ инээж, хүссэнээрээ алхаж, хүссэнээрээ уурлаж, хүссэнээрээ бодож, хүссэнээрээ идэж, хүссэнээрээ ууж, хүссэнээрээ солиорох учраас надад эрх чөлөөг бас миний ертөнцийг бэлэглэдэг чамд баярлалаа..

Ганцаардал минь, яв гэдэг үгээр чамтай би тулалдахгүй. Дуртай үедээ над дээр ирж, дуртай үедээ надаас яваарай. Чамайг явах тэр үед өөр нэгэн ганцаардлыг би хүлээхгүй. Цор ганц байх Ганцаардал найз минь чамдаа би хайртай. Цор ганц байх ганцаардал чамд дурладаггүй байсанд уучлаарай..

Энгийн мэт энгийн бус өдрийн бодол

гадаа бороо орж сэтгэлийг нээх сонин гижигдээд..
Хэрвээ хэн нэгэн таныг гижигдвэл та магадгүй инээх байх. Харин миний хувьд, энэ гижигдэлт сэтгэлийн тэр нэгэн эмзэгхэн утсыг тасартал нь татах мэт..

Өнөөдөр өглөө нагац талын нэгэн эгчийгээ алсын замд үдсэн. Холоос хол тэр эгч минь амар тайван өөрийн нутагруугаа явсан. Яагаад өөрийн нутаг гэснийг та магадгүй ойлгохгүй л байх.
би хорин гуравхан настай охин.. Насыг минь сонсвол үхэл хагацал төдийлөн санаанд минь буухгүй биз гэж настайчууд хэлэх байх.
Үнэхээр их бодогддог.. Бодогдохын дээдээр бодогддог.
Хайртай бүхнээсээ ганцаархнаа хагацаж салаад, хүйтэн шороон доор бие цогцос минь гав ганцаар булшлагдана гэхээс,  идэх дуртай бүхнээ идэж чадахгүй, явах дуртай газруудад миний мөр дутна гэхээс, хайрлан хүндэлдэг найз нөхөд гэр бүл минь цагийн аясаар намайг мартаж эхэлнэ гэхээс, мөрөөдөж байсан бүхэн надтай хамт үүрд замхарна гэхээс.... Би үхтлээ айдаг байсан.
Үнэхээр тийм өдрийн тухай төсөөлөх ч надад утгагүй санагддаг байлаа.

Харин аз болж би Есүст итгэж миний амьдрал цоо шинэ нэгэн гэрэл орж ирсэн нь, миний амьдралд дахин нэг үнэн найдвар төрсөн нь, миний бодлыг урсган цоо шинэ хайрын гэгээ татсан нь би үхэх тэр цагт гэртээ харина гэдэг агуу бас гайхалтай үнэн юм.

Энэ дэлхий таных бас минийх биш гэдгийг та мэдэхүү?
Хэрвээ таных юм бол, хэрвээ минийх юм бол би энэ дэлхийдээ үүрд үлдэж болно шд. Гэтэл биш учраас л бид ирдэг бас явдаг.  Ирэхдээ ч юу ч үгүй, явахдаа ч юу ч үгүй л явдаг.
Аваад явах нэг хүн байна уу, ядаж дуртай ганц хувцасаа аваад явж чадахуу...
Би даашинзнууддаа үнэхээр хайртай. Ганц ч даашинз байдаггүй охин надад ээж минь оёж өгдөг байсан даашинзнууд үнэхээр гоё. Томроод өөрөө ч гэр бүлээс минь бэлэглэсэн зөндөө даашинз бий. Надад бараг цуглуулга байгаа. Тийм өндөр үнээр аваагүй ч гэлээ, тэднийг би үнэтэй болгодог юм. Учир нь би аймар хайртай. Гэтэл тэднийхээ нэгийг нь ядаж би өмсөөд аваад явж чадах билүү дээ.. Үгүй шүү дээ.

Энэ дэлхий минийх биш
Цаг нь ирэхэд буцаж л таараа
Ээнэгшиж дасахын ч хэрэг үгүй
Цаг нь ирэхээр бүгдийг орхино шүү дээ..

эрийг эм чимнэ..

Та чимэг зүүлтийн талаар юу гэж боддог вэ?
Эрэгтэй эмэгтэй хүн хоёрын хэн нь илүү их чимэг зүүлт хэрэглэдэг бол? хэхэ
ийм тэнэг юм асуусанд намайг уучил эрхэмээ.
Мэдээж эмэгтэй хүн л өнгө бүрийн чимгээр өөрсдийгөө гоёдог.
Чимэг зүүлтэд дургүй гэх эмэгтэйд ядаж нэг ээмэг, бөлзөг, хүзүүний зүүлт байдаг шүү дээ.

харин эрчүүдийн чимэг юу вэ?

Эмэгтэйчүүдээ, эрчүүдийн чимэг нь бид юм байнаа. Эрэгтэй хүний хамгийн гоё гоёл нь эмэгтэй хүн юм байна. Муухай сонсогдож байгааз.. бид хэн нэгний чимэг гэхээр.. магадгүй гоё ч сонсогдож болох юм. Яагаад чимэг гэж хэлснийг би хэлий.

Миний мэдэх олонх эрчүүд /ганц бие, эхнэр нь салаад явсан, нас барсан гэх мэт/ цаанаа өнгө муутай харагддаг. Бүр нэг дутуу угааж, өнгө нь гандсан цагаан цамцтай ч зүйрлэмээр..
Өнөөдөр таараллдсан, уулзалдсан 20-оод эрчүүдийн 18 нь ганц бие байлаа. бүгд 30- 62 нсны хүмүүс. Гүй ээ, ядаж үнэртэх энгэсэг нь бид юм шиг санагдсан шүү. Нэг л тийм дутуу, дутуу дутуудаа хэтэрхий дутуу харагдсан. Харин нөгөө хоёр залуу, унасан сайхан машингүй, магадгүй тэд халуун хүйтэн ус чөлөөтэй хэрэглэх байрны хүмүүс ч биш байх. Гэсэн ч дагуулаад явах гэргий нь түүнийг дэндүү чимжээ. Нэг л дулаахан, нэг л цэмцгэр, нэг л дотно, нэг л бүтэн...

Би БҮТЭН гэх энэ үгийг юугаар, яаж тайлбарлахыг мэдэхгүй байнаа. Гэхдээ, тийм мэдрэмж. Бүтэн л санагдсан.
Тэр арван найман эрчүүдийн олонхи эхнэр нь салаад явсан. Нас барсан хүн бараг алга даа.. Баян хүнтэй суухаар  явсан л гэнэ, гадаадруу ажиллах гэж яваад ирээгүй л гэнэ,..
Мөнгөнд дургүй хэн ч байхгүй, мэднээ. Гэхдээ, бас сольж болдоггүй юм гэж хүний амьдралд байдгийм шдээ. Яаааж эрхлэн өссөн хүүхдийнхээ бага насыг, яаж хөтлөлцөж үерхэж явсан гал халуун хайрынхаа түүхийг уландаа гишгээд тансаг амьдрал хөөцөлдөөд явж болох юм бээ?!

Бид чинь эрчүүдэд хэрэгтэй, бидэнгүйгээр тэднийг төсөөлөх тун хэцүү гээд боддоо..

Ухаантай нөхрийг ухаантай эхнэр л бий болгодог..

Нөхрийн зүрхний жаргал нь сайн эхнэрээс эхлэлтэй байдаг..

Дааман хаалган дээр нөхрүүд эхнэрээ магтах болтугай..

Бүү уйл эмэгтэй минь..

Буянт компанийн үйлчлэгчдэд үнэхээр баяр хүргэн, талархлаа илэрхийлмээр байсан. Монгол шиг бөхөлзөж тонголзох дургүй ард түмний дунд тийм үйлчлэгчийн зүрх сэтгэлтэй хүмүүс байгаад баяртай байна. Мөн ч бас дутагдалтай тал зөндөө л байлаа. гэсэн ч миний бичих гэж байгаа зүйлийн гол нь энэ биш ээ.

Үүрээр гадаа дулаахан.. тэнд би нэгэн охин бас залууг харж нүднээс өөрийн мэдрэлгүй нулимс урслаа.. Яагаад гээч, магадгүй та ч тэр зургийг харсан бол уйлах байсан байх. Өөрийн мэдрэлгүй урсах тэр нулимс ямар ихээр зүрхэнд минь нөлөөлсөн бэ?!

Залуухан хосууд байжээ. Тэд дөч хэргэм насны. Хоёр сайхан хүүхэдтэй, ааваа ээжээ гэж анхлан дуудаж анхны үрийн зулайг хүү нь үнэртүүлсэн, харин удаалан бяцхан охин ээжийн энгэрийг дулаацуулан ирсэн. Тэд өсч томрон дунд сургуульд орохын зэрэгцээ ээж нь нас эцэслэжээ.
Угаас хамаатан садангүй учир чандарлах ёслолд нэг муухан машинд ээж, эхнэрийнхээ шарилыг ачиж, хайрлан энхрийлэн өсгөсөн охин нь ээжийнхээ хөрөг зургийг барьсаар машинаас буун ирлээ. Амьдралаа чи яасан хатуу вэ гэх шиг хоцорч үлдсэн хань нь тамхиа хурдан хурдан баагуулан алсыг ширтэнэ. Ах хүн шүү би.. уйлдаггүйм шүү гэж хэл хазан, амьсгаа түгжин байна уу гэмээр хүү дүүгээ харцаараа аргадан зөөлөн мишээнэ.

Холын холоос ээж нь тэднийгээ зүрх сэтгэл нь эмтрэх ч та гурав минь өнгөтэй амьдраарай гэсэн эх хүний, хань хүний зовьносон сэтгэлээр ширтэх мэт....
ээжийнхээ энгэрт тоглохгүй, хийсэн хоолыг нь идэхгүй, магадгүй тэд ээжийнхээ үнэрийг нь ч дахин үнэртэж үл чадна..
ханийнхаа халамжийг амсахгүй, хайранд нь эрхлэхгүй..

Бүсгүй минь чи бүү уйл, тэд нь бүдрэлгүй заяа нь түшиж амьдрах болоосой...

хуучин блогоо сэргээх гэж өч төчнөөн ноцолдовч чадсангүй...
Блогоо хөтлөх эрмэлзлэл дахин сэргэсэн тул энэ нэрээр энэ хаягаар дахин бичиж эхлэх боллоо.

үүнийгээ би гэрлийн хүн гэж нэрлэсэн нь олон учиртай лдөө. Хөөх, блог хөтлөөгүй нээрээ их уджээ. Бодол саналаа бичиж байх нь л зөв юм шиг санагдсан. Хэнд ч хэрэггүй байсан ч хамаагүй бичсээр л байх хэрэгтэй..